Nogorpara Baptist Mondoli Garo Baptist Convention-o mondoli ge'sa ong'a. Uan Indiani a'songni Meghalaya a'dokni bon'kamgipa Bangladesh simao dong'a, District South West Garo Hills (Saliram Salgipeng-o ong'a). Rev.Ringdon S.Sangma ABDK-ni watatako man'e 21st January 1962 bilsio mondoliko songe on'aha. Mondolini mongsonggipa miksonganiara "Chisolon Nama Kattako Seng'atani" (Johan 8:12) ong'a. Unonin Nogorpara Baptist Mondoli Garo Baptist Convention-ni ning'ogipa mondoli ge'sa ongpa'e kamrangko ka'enga. Mondolini ding'tang ding'tang dake kamrangko gisikni biding, songsalni biding, janggi tangni cholrangko am'ani, skia poraiani chongmotan chu'gimikgipa Nama Kattako gipatanina kamko ka'enga.

Mondoliko pamongrang mongsonggipa ong'e dang'dike on'enga. Mondolio mongsonggipa dolgnini dilgiparangara Pamongrang aro Deaconrangan ong'a, pamongrang sak 4 aro deaconrang sak 26 dong'a. Pamongrang aro deaconrangni ministry baksa ding'tang ding'tang rokkomni dang'dike on'ani kamrangko kamao mesokatenga:

1. Nirok-simsakani kamrangko pamongrang aro deaconrang dakenga.

2. Me'asarangna dang'dikna ding'tangmancha Me'asarang tomdakaniko dake kamko ka'enga aro uamangko don'gimin committeerang nirokenga.

3. Me'chikrangna dang'dikna Me'chikrangni tom'dakgimin dol kamko ka'enga aro Me'chik pamong aro don'gimin committee nirokaniko dakenga.

4. Chadamberangni gisikni biding aro songsalni biding nirik-nitimaniko don'gimin pamong aro committeerang nirokenga.

5. Bi'sarangna dang'dikaniko bi'sarangni gisik aro be'enni gita dalroroanina don'gimin pamong aro committeerang nirokaniko dakenga.

6. Song'salna Dang'dikgipa song'salo namen cholgri apgrigipa aro duko ga'akgipa manderangna dang'dikaniko dakenga.

7. Doka Damani ba Ring'mitelanina dang'dikaniko Isolko rasong chaatna dang'dikaniko dakenga.

8. Nama Kattako Aganprakani kamko mondoli mongsonggipa mondolini dong'ani miksongani gita ra'e kamko ka'enga. Mondolini Nama Kattako Gipatani kamko ka'anio mong'songbate Nama Katta sokangkugijagipa manderangona Nama Kattako sokatangna mikpakma nie kamko ka'enga.

Mondolini Nama Kattako Gipatanina bilsi 10-na Niksamsoaniko seani:

1. Bipekrangoniko komibeoba ge-4 ko mondoli song'e on'na kamko ka'gen.

2. Nama Kattako Knakugijagipa Gipin jatrangona sokatange mondoli song'e on'na kamko ka'na.